SuperDizionari

dut câs loc.coniun., loc.av.

Par introdusi o par rimarcâ une conclusion o une afermazion o par introdusi un argoment gnûf

sinonims

in dut câs, in ogni câs, a ogni mût, in ogni mût

esemplis

"al usave a dâ e a dâsi coragjo disint che il masse sglonfâsi, il masse suplîsi al è stât simpri la ruvine dai popui; e che, dut câs, al è miôr cambiâ discors, parcè che a fevelâ di mangjâ e ven simpri plui fam"

gjavât fûr di "I furlans e la fam" di Riedo Pup

"[in ete caroline] a fâ la academie, e jere int scozese e furlane . Dut câs, dopo passâts i Ongjars o sin restâts disfats!"

gjavât fûr di "La nestre storie" di Francesc Placerean

dut câs loc.coniun., loc.av.

Par introdusi o par rimarcâ une aversative o une limitazion

sinonims

cun dut achel, istès, in ogni câs, in dut câs, a ogni mût, in ogni mût, simpri

esemplis

"al jere un pôc di timp che al cirive di vendi un cjamp. Il cjamp dut câs al jere dongje il Tiliment, plen di claps, al prin soreli si secjave dut"

gjavât fûr di "Cemût pesâ la tiere" di Angelo Covazzi

"la idee dai dirigjents de emitente e jere, fin dal principi, chê de difese di dutis lis minorancis etnichis o linguistichis, no dome di chê furlane, che dut câs minorance in Friûl no je"

gjavât fûr di "Un Friûl difarent: i 90 mhz di Onde Furlane" di Max Mauro

"al si inacuarzè che al jere stât dut un insium, stramp ce che si vûl ma dut câs nome che un insium"

gjavât fûr di "Conte di peraulis muartis" di Sandri Di Suald

dut câs loc.coniun., loc.av.

Par introdusi une eventualitât calcolade estreme

sinonims

al massim, a la piês

esemplis

"ancje i plui contraris no àn mai insolentât i predis. Dut câs, se a vevin la vene contrarie, a fasevin di mancul di lâ a messe"

gjavât fûr di "I furlans e i predis" di Riedo Pup

monolengâl